بە پێی راپۆرتی ئاژانسی هەواڵی مێهر، یەعقووب گەوێڵیان ویڕای ئاماژە بە بەرزبوونەوەی ڕێژەی سەردانی گەشتیاران لە شوێنە مێژووییەکانی کوردستان، وتی: ئەمساڵ ماڵی کورد میوانداری زۆرترین ڕێژەی گەشتیاران بووە، پاشان ئەشکەوتی کەرەفتوو، مۆزەی قورئانی نگڵ، مۆزەی خەسراوای سنە و هەروەها عەمارەتی موشیردیوان زۆرترین ڕێژەی گەشتیاریان بە خۆوە بینیوە.
ئەو وتیشی: ساڵی پێشوو ٥ بینا و ئاسەواری مێژوویی پڕبایەخی موشیردیوان، مۆزەی خەسراوا، گەرماوی قەسڵانی قوروە، گەرماوی حاج ساڵحی سەقز و سەڵواتاوای بیجاڕ نۆژەن کرانەوە.
ناوبراو وێڕای ئاماژە بەوەی ٣٢ ملیار تمەن بۆ نۆژەن کردنەوەی ئاسەوارە مێژووییەکانی کوردستان لە ساڵی ١٤٠٠ تەرخان کراوە، رایگەیاند: بەشێک لە شوێنی مێژوویی پاڵەنگان، پێڵی مێژوویی دەڵەمرز، مزگەوتی گوندی بزڵانە، موشیردیوان، بینای سەفوورا خانمی هەورامان، قەڵای زێویە، عەمارەتی خەسراوای سنە و ... لەو شوێنانەن ساڵی پێشوو نۆژەن کراونەتەوە.
Your Comment